Nga Xhorxhina Baminga
Figura të njohura të ish-aparatit serb të sigurisë, mes tyre Jovica Stanishiqi dhe Milorad “Legija” Ulemeku, janë vënë nën akuzë për vrasjet masive të kryera në vitin 1998 në kompleksin familjar të Adem Jasharit, i cili në atë kohë ishte komandant i Ushtrisë Çlirimtare të Kosovës.
Prokuroria Speciale e Kosovës njoftoi të premten se ka ngritur aktakuzë ndaj 35 të dyshuarve, të cilët akuzohen për përfshirje në vrasjen e 26 civilëve në kompleksin e komandantit të Ushtrisë Çlirimtare të Kosovës (UÇK), Adem Jashari, në fshatin Prekaz të Skenderajt, në mars të vitit 1998.
“Pas një pune disa vjeçare kemi arritur të finalizojmë punën për rastin e Prekazit me aktakuzë. Ne kemi arritur të vërtetojmë se të pandehurit kanë kryer veprën penale krime lufte kundër popullatës civile në datat 5-6-7 mars të vitit 1998, në fshatin Prekaz, më saktësisht në lagjen Jashari”, tha prokurori Valdet Gashi.
BIRN e ka parë aktakuzën, e cila, ndër të tjera, përfshin emrat e Jovica Stanishiqit, ish-drejtuesit të Shërbimit të Sigurimit Shtetëror të Serbisë; Vlastimir Gjorgjeviqit, ish-zyrtarit të lartë të Ministrisë së Brendshme të Serbisë; Sreten Lukiqit, ish-shefit të Shtabit të Ministrisë së Brendshme serbe për Kosovën; dhe Milorad “Legija” Ulemekut, ish-komandantit të Njësisë së Operacioneve Speciale të Shërbimit të Sigurimit Shtetëror të Serbisë.
“Bazuar në dëshmitë materiale dhe dëshmitë e dëshmitarëve, kemi identifikuar 35 persona të akuzuar në këtë rast, të cilët mbanin pozita të larta komanduese brenda njësive speciale të policisë serbe”, shtoi Gashi.
Forcat policore dhe ushtarake serbe rrethuan kompleksin e familjes Jashari në Prekaz nga 5 deri më 7 mars 1998, duke lënë të vrarë 59 persona, përfshirë edhe vetë themeluesin e UÇK-së, Adem Jasharin.
Sulmi shkaktoi zemërim të madh te shqiptarët e Kosovës dhe konsiderohet si ngjarja që nxiti rezistencën e armatosur në shkallë të gjerë kundër regjimit të presidentit jugosllav Sllobodan Millosheviç.
Gashi u tha mediave të premten se aktakuza është ngritur në mungesë, pasi autoritetet nuk kanë mundur të sigurojnë praninë e të dyshuarve.
Stanishiqi aktualisht po vuan një dënim për krime lufte në një çështje tjetër, pasi u shpall fajtor nga Gjykata e Hagës, ndërsa Ulemeku ndodhet në burg për rolin e tij në vrasjen e kryeministrit serb Zoran Djindjiq. Gjorgjeviqi dhe Lukiqi janë liruar pasi kanë vuajtur dënime për krime lufte për vepra të tjera.
Kryeprokurori i Prokurorisë Speciale, Blerim Isufaj, e cilësoi aktakuzën si “aktakuzën e parë që ka të bëjë me vrasjen e civilëve në kompleksin e familjes Jashari në Prekaz, Skënderaj”.
Në rastet që lidhen me krimet e luftës të kryera gjatë luftës së Kosovës të viteve 1998–1999, bashkëpunimi juridik ndërmjet Kosovës dhe Serbisë mbetet pothuajse inekzistent. Për këtë arsye, duket e pamundur që shumica e të akuzuarve të jenë të pranishëm për t’u gjykuar.
FOTO: Blerim Isufaj, Kryeprokuror i Prokurorisë Speciale të Kosovës, me prokurorin Valdet Gashi, më 4 shtator 2026.
Ja,keshtu!Po nuk u institucionalizuan krimet serbe nga Gjykata Nderkombetare,mbeten llafollogji,,dhe per cpifje serbet jane kampjone Bote,me experience mijevjecare.
Ne fakt,jemi te vonuar ne kerkesen tone qe autoret e ketyre krimeve makabre e masive te vihen perpara drejtesise-vecanerisht per nje nga krimet me te renda,qe u perpoqen te shfarosnin te gjithe familjen e komandantit Adem Jashari,perfshire dhe femijet e vegjel.Bota,madje dhe vete Serbia, duhet ta kuptojne se nuk mund te kete pajtim te mirefillte per sa kohe krimet e saj mbeten te pandershkuara nen obrellen mbrojtese qe ofron shteti serb dhe mes heshtjes te vendeve te tjera,qe interpretohet si bashkefajesi.
Akuza duhet të përfshinë edhe familjarët e tyre dhe të S.Millosheviqit ngjashëm si ndaj familjarëve dhe të afërmve të komandantëve dhe pjestarëve të UÇK që bënë Serbija
Kishte me qenë interesante se a kanë ofrua dëshmi vullnetarishtë mbi 300 dëshmitarë nga Kosova si për rastin e atyre komandantëve dhe liderve të UÇK që u arrestuan dhe u akuzuan nga shumë gjykata si Unmik Kosovë Eulex Hagë… kisha qenë kuriozë a kanë ofru dëshmi vëllaznitë Geci dhe grupet e tyre
SHQIPE!!
Nga e gjete kete institucionalizoj o demo. Apo te ka zene edhe ty semundja e te folurit “me fjale te medha” qe nuk ua di kuptimin. Nejse,bota kurve ka qene e kurve do jete,serbet kane mbeshtetjen e hapur te Botes se Trete dhe ca me te fshehte te aleateve historike e te “miqve te rinj”.