Kreu i SPAK Altin Dumani ka marrë pjesë sot në takimin me temë “Përtej monitorimit: Drejt një reformë zgjedhore gjithëpërfshirëse për integritetin e zgjedhjeve në Shqipëri”.
Gjatë fjalës së tij Dumani foli lidhur me procesin e hetimit të krimeve zgjedhore teksa tha se janë ushtruar disa kontrolle banese zyre personale.
Ai shtoi se janë ekzekutuar 20 vendime gjykate për lejim kontrolli të ambienteve të ndryshme dhe personave të ndryshëm, si dhe janë sekuestruar prova e dokumente të rëndësishëm që do i shërbejnë procesit të hetimit.
“192 raste të dyshuara për krime zgjedhore. 43 materiale kallëzuese janë regjistruar si procedime penale, kanë kaluar në fazën e hetimit, për 43 është vendosur mosfillimi i hetimit, 40 materiale janë dërguar për kompetencë pranë prokurorive të rretheve, 17 materiale janë bashkuar me materiale të tjera ekzistuese dhe një pjesë është në proces verifikimi.
Hetimet për shumë nga procedimet janë aktive janë ushtruar disa kontrolle banese zyre personale. Janë ekzekutuar 20 vendime gjykate për lejim kontrolli të ambienteve të ndryshme dhe personave të ndryshëm, janë sekuestruar prova e dokumente të rëndësishëm që do i shërbejnë procesit të hetimit.
Sfidat nuk janë të pakta, referuar materialeve të partive të politike depozituar në SPAK kallëzimet e tyre kanë qenë të paplota. Nevojitet më shumë ndërgjegjësim publik dhe mbështetje më e madhe për denoncimit përmes fushatave informuese dhe garancive ligjore për mbrojtjen e dëshmitarit“, tha Dumani.
Gjatë fjalës së tij Dumani tha se SPAK është vendosur në kontakt me denoncuesit e partive dhe janë bërë verifikimet përkatëse për denoncimet. Ai shtoi se është e nevojshme mbështetja e trajnimit të vazhdueshëm të prokurorëve e hetuesve të BKH-së për trajtuar me efikasitet rastet e krimit zgjedhor.
“Sfidat nuk janë të pakta, duke iu referuar materialeve të partive politike që kanë mbërritur në SPAK kemi vënë re që kallëzimet e tyre kanë qenë të paplota dhe shpesh jo të sakta.
SPAK është vendosur në kontakt me denoncuesit e partive politike dhe pas verifikimeve është konkluduar se për çdo problematikë të ngritur nga subjektet politike apo organizatat e shoqërisë civile, SPAK ka bërë verifikimet përkatëse për çdo kallëzim të bërë.
Nevojitet më shumë ndërgjegjësim publik dhe mbështetje më e madhe për denoncimit përmes fushatave informuese dhe garancive ligjore për mbrojtjen e dëshmitarit. Gjithashtu është e nevojshme mbështetja e trajnimit të vazhdueshëm të prokurorëve e hetuesve të BKH-së për trajtuar me efikasitet rastet e krimit zgjedhor”, tha Dumani.
j.l./ dita
