Kroacia dominoi dhe krijoi shumë raste, por shënoi vetëm një gol në transfertë kundër Armenisë. Që gjithsesi mjaftoi që skuadra e Zlatko Dalic të siguronte tri pikë të rëndësishme në grupin D të eliminatoreve të Euro 2024.
Aty ku Kroacia kryeson me 10 pikë, po aq sa Turqia, por këta të fundit kanë zhvilluar një takim më shumë. Andrej Kramaric realizoi golin e fitores për kombëtaren ballkanike pas çerek ore lojë.
Sulmuesi i Hoffenheimit në Bundesliga, përfitoi nga një rrëmujë në zonën kundërshtare pas këndores së Luka Modric. Dhe dërgoi topin në rrjetë, duke gjetur golin e 26-të me Kombëtaren.
Më pas shumë raste të humbura, por Kroacia arriti fitoren, duke hedhur një hap të rëndësishëm drejt kualifikimit në Europianit të verës së ardhshme. Që do të organizohet në Gjermani.
