Kreu i Bashkisë së Athinës, Kostas Bakoyannis mori pjesë në protestën e organizuar në Himarë për burgosjen kryebashkiakut, Fredi Beleri.
Gjatë fjalë së tij, Bakoyannis u shpreh se Beleri ka të drejtë të betohet si kryebashkiak dhe të marrë detyrën e tij.
“Demokracia nuk burgoset. Zëri i qytetarëve nuk hesht. Urdhri i popullit nuk shkelet. Himara ka kryebashkiak e ke zgjedhur kryebashkiakun dhe ai është Fredi Beleri. Thërrisnin emrin e tij sepse kryebashkiaku juaj ka emër dhe ai është Fredi Beleri.
Miku im Fredi Beleri ka të drejtën e një gjyqi të drejtë. Fredi Beleri ka të drejtë të betohet si kryebashkiak dhe të marrë detyrën e tij.
Është e drejta e tij, por është e drejta edhe e popullit të Himarës. Dëshiroj të mirëpresin Shqipërinë në familjen evropiane, duam të jetojmë bashkë në shtëpinë tonë të madhe, por kjo shtëpi do themele. Shteti i së drejtës, demokracia, janë principet tona dhe janë të panegociueshme”, tha ai.
Kujtojmë se protesta është organizuar nga organizata “Omonia”, ku të pranishëm ishin të deleguar nga shteti grek si kryetari bashkisë së Selanikut Kostandinos Zervas dhe kryetari bashkisë Athinës, Bakojanis.
Edhe Kryebashkiaku i Selanikut i pranishëm në protestën e zhvilluar në Himarë për lirimin e Belerit, nuk i ka kursyer thirrjet nacionaliste. Ai theksoi se Fredi Belerit po i shkelen të drejtat ndërsa ndodhej në Himarë u shpreh:
“ Këto troje janë të mbushura me dashuri për helenizëm” dhe se ”Duhet ta mësojnë dhe dinë të gjithë se Himara lind luanë’.
“Qëndroj këtu para jush dhe ul kokën me respekt, guximin dhe luftën për të mos pranuar asgjë me pak se vetëm lirinë. Këtë betejë do e kemi së bashku për sa kohë dhe kudo që të jetë e nevojshme.
Sjell zërin e Selanikut, që gjithmonë ishte qendër helenizmi në Ballkan në Mesdhe, është atdheu i refugjatëve dhe një fanar i drejtësisë. Përpjekja për të eliminuar Fredi Belerin ngjall pengesa për në rrugën europiane”, tha ai.
