Kryetarja e Bashkisë Roskovec, Majlinda Bufi, është paraqitur në Prokurorinë e Posaçme paraditen e sotme. Nuk dihet arsyeja e paraqitjes së saj në SPAK. Ajo qëndroi rreth 20 minuta në ambientet e Prokurorisë së Posaçme. Pas daljes nuk pranoi që të flasë për gazetarët, duke thënë shkurt “kur të flasë drejtësia”.
Në fakt, më parë, Bufi është kallëzuar nga opozita për disa vepra penale, si “Shpërdorim detyre” dhe “Kanosje apo dhunim ndaj pjesëmarrësve në zgjedhje”.
Në bazë të tyre, kryetarja Bufi dyshohet se ka kryer me dashje dhe personalisht gjatë fushatës zgjedhore të zgjedhjeve lokale shkelje të rënda kundër punonjësve të administratës publike, për t’i penguar ata të votojnë lirisht, shkelje si kërcënime, presione dhe shantazhe.
Gjithashtu PD ka depozituar për kryebashkiaken e Roskovecit edhe një kallëzim penal në SPAK, duke e akuzuar për abuzim me tenderat.
j.l./ dita
