Kryeministri i Republikës së Kosovës, Albin Kurti ka takuar Këshilltarin e lartë të Departamentit amerikan të Shtetit, Derek Chollet, i cili sot po qëndron në Kosovë në kuadër vizitës së tij në rajon.
“Përgjatë takimit, kryeministri Kurti e njoftoi z.Chollet me punën dhe arritjet e qeverisë në vitin që sapo lamë pas. Ai ndau me të indikatorët më të fundit ekonomikë dhe demokratikë në vend, dhe nënvizoi qëllimet e përbashkëta për zhvillim dhe demokratizim. Kryeministri Kurti e falënderoi Këshilltarin e Lartë, Chollet për vizitën, komunikimin e vazhdueshëm dhe për angazhimin e tij. Shtetet e Bashkuara të Amerikës janë partner dhe aleat i domosdoshëm i Republikës së Kosovës, u shpreh kryeministri Kurti, teksa vuri theksin te synimet e vendit për partneritet edhe më të fuqishëm me Shtetet e Bashkuara të Amerikës dhe integrim në NATO”, thuhet në njoftimin e Zyrës së Kryeministrit.
Në njoftim thuhet se u diskutua edhe për procesin e dialogut, planin Evropian dhe për raportet ndërmjet Kosovës dhe Serbisë. U theksua nevoja për angazhim aktiv dhe konstruktiv në dialog dhe për intensifikim të përpjekjeve drejt normalizimit të plotë të marrëdhënieve ndërmjet Kosovës dhe Serbisë me njohjen reciproke në qendër.
“Në takim z. Chollet ishte i shoqëruar nga dërguari i posaçëm amerikan, Ndihmës Sekretari i Shteteve të Bashkuara për Çështje Evropiane dhe Euroaziatike, Gabriel Escobar, Zëvendës Ndihmës Sekretari i Mbrojtës për Politika Evropiane dhe NATO, Spencer Boyer, Ambasadori i Shteteve të Bashkuara të Amerikës në Kosovë, Jeffrey Hovenier, Shefja e Stafit të Këshilltarit Chollet, Laura Updegrove, Ndihmësja e posaçme e Këshilltarit, Dr. Florence Akinyemi dhe Këshilltarja e Politike dhe Ekonomike në Ambasadën amerikane në Kosovë, Ralan Hill. Kurse Kryeministri Kurti ishte i shoqëruar nga zëvendëskryeministri i parë, Besnik Bislimi, zëvendëskryeministrja dhe ministrja e Punëve të Jashtme dhe Diasporës, Donika Gërvalla, Ushtruesja e Detyrës së Kryesueses së Grupit Parlamentar të Lëvizjes VETËVENDOSJE!, Mimoza Kusari Lila, Shefi i Stafit të Kryeministrit, Luan Dalipi, Këshilltari Politik i Kryeministrit, Jeton Zulfaj dhe Zëdhënësi i Qeverisë, Përparim Kryeziu”, thuhet në njoftim.
o.j/dita
ZOT E FAT NA KE NE DORE
KUJT NE QAFE NUK I RAME KURRE
JEMI NE TE DREJTEN TONE
NE ME BUKE FQINJET ME GURE
….Ne me buke fqinjet fqinjet me GRURE.
O kosovare a e dini qe grrurin e merrni nga Serbia ?Pra ata po ju gjuajne me GRURE, ndersa ju po gjuani me GURE.
Ju ju besoni prallave kur e dini me 100% se njohja nga Serbia nuk dote ndodhe dhe koha e ka trguar ne te kaluaren kur vetem Kosoves i esht bere presion qe ti permbushe kushtet e Serbise ,kurse Serbise nuk i eshte bere nji presion serioz deri tani ,Serbia e zbuloj dobesine e perendimit dhe e pane qe perendimi nuk eshte ne anen e Shqiptareve bile as Turqia ,Tani te gjithe punojne fshehtas per nji Autonomi per Kosoven dhe jo si shtet kur nuk njihet nga OKB.