Kryeministri Albin Kurti ka nisur mëngjesin e sotëm një takim me ambasadorët e QUINT-it ku do të diskutohet për situatën në veri.
Pritet që ai do të dalë në një konferencë për mediat.
Takimi ndodhi një ditë pasi ambasadorët e QUINT-it nuk shkuan në pritjen zyrtare të organizuar nga presidentja Vjosa Osmani për të festuar 12 qershorin, Ditën e Çlirimit të Kosovës.
Nuk dihet nëse gjatë ditës së sotme do të arrihet ndonjë marrëveshje për situatën në Veri mbi bazën e kërkesave të SHBA-së dhe BE-së.
Nga ana tjetër, Presidentja Vjosa Osmani, me ftesë të Presidentes së Parlamentit Evropian, Roberta Metsola, do të marrë pjesë në Parlamentit Evropian këtë të mërkurë më datë 14 qershor.
Kjo është hera e parë që një President i Republikës së Kosovës si shtet i pavarur, do t’i drejtohet seancës plenare të Parlamentit Evropian.
j.l./ dita
