Personi në foto që kryetari i Rithemelimit e publikoi në media si Erion Veliaj, për të cilin tha se shkoi i maskuar në Iran, në të vërtetë është një kitarist shumë i njohur në Amerikë. Bëhet fjalë për Joe Walsh, 75 vjeç, që është i njohur si kitarist i grupit ‘Eagles’.
Joe walsh, i cili ka ngjashmëri të madhe me Erion Veliajn është aktiv në muzikë që në vitin 1965 dhe është i famshëm për dy hitet e viteve 1970, “Rocky Mountain Way” dhe “Life’s Been Good”. Sipas mediave të huaja, Joe Walsh, këngëtar dhe kompozitor, i pëlqente të luante gjithmonë para turmës.
walsh ishte anëtar i tre grupeve të suksesshme rrok: James Gang , Eagles dhe Ringo Starr & His All-Starr Band. Por ai kishte sukses edhe si artist solo. Në vitin 2011, Rolling Stone e renditi në vendin e 54-të në listën e “100 Kitaristëve më të Mëdhenj të të Gjithë Kohërave”. Fotografia që mori Sali Berisha për të thënë se është Erion Veliaj, në fakt është Joe Ëalsh me shokët e tij ‘James Gang’. Imazhi nuk u realizua në Iran siç thotë Berisha por në Londër.
m.b/dita
