Gjykata Kushtetuese e Kosovës ka vendosur që deputetët e Kuvendit duhet të përfundojnë seancën konstituive brenda 30 ditëve, duke zgjedhur kryetarin dhe pesë nënkryetarët.
Kërkesa për interpretim kushtetues u paraqit nga deputetë të Aleancës për Ardhmërinë e Kosovës (AAK) dhe disa deputetë të tjerë që në legjislaturën e kaluar ishin në opozitë.
Zvarritja e konstituimit të Kuvendit ka ardhur si pasojë e mospajtimeve politike, veçanërisht rreth mënyrës së votimit për kryetarin e Kuvendit, nëse duhet të jetë votim i hapur apo i fshehtë.
Lëvizja Vetëvendosje, si fituese e zgjedhjeve, ka propozuar Albulena Haxhiun për kryetare, por ajo nuk ka arritur të sigurojë shumicën e nevojshme në disa raunde votimi. Kjo ka çuar në tensione mes partive dhe në bllokim institucional.
i.b./dita
