Një 49-vjeçar nga Tirana është vënë në pranga, pasi ditën e djeshme në gjendje të dehur, ka lagur veten dhe bashkëshorten e tij me lëndë djegëse. Ngjarja ka ndodhur në rrugën “Vangjel Noti” rreth orës 07:00.
49-vjeçari B.D pasi lagu veten dhe bashkëshorten me lëndë djegëse, është larguar me një automjet, të cilin e ka përplasur me murin rrethues të një banese. Gjatë kontrollit fizik, policët i gjetën dhe sekuestruan, 49-vjeçarit, një thikë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Njoftimi i policisë:
“Specialistët për Hetimin e Krimeve të Komisariatit të Policisë Nr. 3 arrestuan shtetasin B. D., 49 vjeç, banues në Tiranë, pasi ditën e djeshme, në rrugën “Vangjel Noti”, rreth orës 07:00, duke qenë në gjendje të dehur, ka lagur në trup, me lëndë djegëse, veten dhe bashkëshorten e tij. Më pas është larguar me një automjet të cilin e ka përplasur me murin rrethues të një banese. Gjatë kontrollit fizik, shërbimet e Policisë i gjetën dhe sekuestruan, 49-vjeçarit, një mjet prerës (thikë)”.
p.k\dita
