Lufta e nisur midis Rusisë dhe Ukrainës në shkurt të vitit 2022, i vuri vendet pranë shtetit të pushtuar në gatishmëri. Suedia dhe Finlanda shpejt aplikuan për t’u anëtarësuar në NATO (vetëm i dyti është pranuar, tani për tani), ndërsa vende të tjera kanë zbatuar sanksione të ndryshme me të cilat do të dobësojnë ekonominë e Moskës. Të gjitha vendimet kanë për qëllim ‘izolimin’ e Rusisë në shkallë ndërkombëtare.
Tani, nga një tjetër vend baltik, Letonia, një shqetësim i ri po rritet. Autoritetet e qeverisë letoneze u kanë kërkuar qytetarëve që të mos udhëtojnë në Rusi, duke pasur parasysh se ekziston mundësia që ata të përfundojnë duke u rekrutuar nga shërbimet e inteligjencës së Kremlinit. Një alarm që shtrihet edhe në Bjellorusi, mbështetjen kryesore të Rusisë në këtë ofensivë dhe vendin ku Moska do të dërgojë një pjesë të armëve të saj bërthamore.
Vitet e fundit, janë regjistruar arrestime të shumta të shtetasve letonezë për bashkëpunim të dyshuar me Rusinë. Por pas shpërthimit të luftës, Kremlini duket se ka pasur një interes më të madh për Forcat e Armatosura Letoneze, përveç kontingjenteve të ndryshme që janë vendosur atje nga aleatët e NATO-s. Objektivi nuk është tjetër veçse t’i ‘rekrutonjnë’ ata për të marrë informacion.
