Pas katër ditëve të para të garave në Lojërat Olimpike “Paris 2024” është Japonia shteti që kryeson në tabelën e medaljeve.
Japonezët deri më tani kanë fituar 7 medalje ari, 2 argjendi dhe 4 bronzi, për një numër total prej 13 medaljesh. Në vend të dytë pozicionohet Kina, me 6 medalje ari, 6 argjendi dhe 2 bronzi, në total 14 medalje.
Podiumin e plotëson Australia me 6 të arta, 4 të argjendta dhe 1 bronz, me numër total prej 11 medaljesh.
Ndërkohë Shtetet e Bashkuara të Amerikës, edhe pse kanë fituar më shumë në numrin e përgjithshëm të medaljeve (26), renditen në vend të gjashtë, pasi kanë vetëm 4 të arta, ndërsa regjistrojnë 11 argjendi dhe 11 bronzi.
j.l./ dita
