Një lokal në tarracën e Gjykatës së Lartë, në rrugën “Myslym Shyri”, është përfshirë nga flakët mëngjesin e sotëm.
“Më datë 20.07.2023, rreth orës 08:05, në kryqëzimin e rrugës “Myslym Shyri” me rrugën “Ibrahim Rrugova”, në një lokal në tarracën e katit të katërt të Gjykatës së Lartë, ka rënë zjarr.
Në vendngjarje ndodhen shërbimet e Policisë dhe ato të zjarrfikëses, të cilat po punojnë për fikjen e zjarrit. Grupi hetimor po punon për sqarimin e rrethanave të ngjarjes”, thuhet në njoftimin e policisë.
Burime bëjnë me dije se është ndezur fillimisht ekspresi i kafesë së lokalit dhe flakët janë përhapur në lokal.
Zjarri është neutralizuar dhe është fikur. Tani po punohet për filtrimin e ajrit, ndërsa fatmirësisht flakët nuk janë përhapur në ambiente të tjera.
p.k. / dita
Edhe majë institucioneve kanë bërë kafe, sikur nuk dalin mijëra bare e restorante nëpër rrugë.
Kafja jonë, institucioni me i forte, te gjitha punet behen ne kafe
E keni gabim! Rruga « Ibrahim Rugova » fillon pasi kalon Lanën, ndërsa Rruga « 4 Shkurti » është nga banka deri tek Lana.