Afrika e Jugut apeloi në Gjykatën Ndërkombëtare të Drejtësisë (ICJ), duke argumentuar se Konventa për Parandalimin dhe Shtypjen e Krimit të Gjenocidit po shkelet nga sulmet e Izraelit kundër palestinezëve në Rripin e Gazës. Gjykata Ndërkombëtare e Drejtësisë në Hagë është organi i OKB-së që zgjidh mosmarrëveshjet ndërmjet shteteve.
Sipas deklaratës së lëshuar nga Gjykata Ndërkombëtare e Drejtësisë, Afrika e Jugut akuzon Izraelin për përfshirje në “akte të gjenocidit kundër popullit palestinez në Gaza”.
Afrika e Jugut thotë se “veprimet dhe mosveprimet e Izraelit marrin një karakter gjenocidal, pasi ato shoqërohen nga qëllimi për të shkatërruar palestinezët e Gazës, si pjesë e grupit më të gjerë kombëtar, racor dhe etnik.” Qeveria izraelite e hodhi poshtë menjëherë apelin e Afrikës së Jugut drejtuar GJNP-së, duke e quajtur atë një shpifje.
p.c. / dita
