Pas finales në Stamboll, ku gafat e tij i kushtuan italianëve trofeun, belgu Romelu Lukaku ka fluturuar drejt Arabisë Saudite ku zhvilloi një takim me krerët e Al-Hilal.
Sipas raportimeve të medieve italiane, klubi në fjalë i ka ofruar belgut një kontratë 2-vjeçare, nga e cila do të përfitojë 25 milionë euro neto në sezon.
Lukaku është duke e marrë shumë në konsideratë këtë ofertë, me Chelsean që do të shpëtojë nga sulmuesi dhe njëkohësisht do të arkëtonte një shumë të mirë për shitjen e tij.
