Kreu i SPAK-ut, Altin Dumani, gjatë raportimit të tij në Kuvend, ka ngritur alarmin për skemat e falsifikimit të pronave në disa qytete të vendit, duke e cilësuar çështjen e pronave si një ndër më problematiket në vend.
Dumani theksoi se kjo temë është në fokus të SPAK-ut dhe solli si shembull rastin e Lezhës, ku mijëra metra katrorë tokë të përfituara përmes falsifikimeve janë rikthyer në pronësi të shtetit me vendim gjykate.
Ai shtoi se hetimet kanë zbuluar raste të ngjashme edhe në Durrës, ku janë sekuestruar rreth 600 mijë metra katrorë tokë të përfituara me dokumente të falsifikuara, duke e cilësuar këtë si një “skemë të mirëorganizuar të falsifikimit të dokumenteve”.
“Çështja e pronave është një çështje shumë e ndjeshme dhe shumë problematike. E kemi evidentuar në hetimet tona. Është në fokusin e SPAK-ut. Unë sjell rastin e Lezhës. Nuk e di sa mijëra metra katrorë tokë u provua se ishin marrë përmes falsifikimit dhe këto mijëra metra katrorë tonë, u vendos me vendim gjykate t’i kalojnë shtetit.
Një çështje tjetër që duhet të na alarmojë të gjithë, megjithëse është në fazën e hetimit paraprak, hetimet kanë treguar për falsifikimin masiv të mijëra e mijëra metrave katrorë tokë në një zonë shumë të preferuar të Durrësit dhe vetëm në atë procedim penal SPAK ka arritur të sekuestrojë, patjetër, nuk mund ta parashikoj si do shkojë gjykimi deri në fund, rreth 600 mijë metra katrorë tokë e përfituar vetëm përmes dokumenteve të falsifikuara. Një skemë e mirëorganizuar e falsifikimit të dokumenteve”, tha Dumani.
Sipas kreut të SPAK-ut, raste të tilla janë evidentuar edhe në Vlorë dhe në qytete të tjera, ku rritja e vlerës së pronave ka nxitur abuzime të shumta. Ai bëri apel që të gjitha institucionet shtetërore të marrin përgjegjësitë e tyre për të parandaluar abuzimet me pronat publike.
“E njëjta gjë, kemi hetuar raste në Vlorë dhe në disa qytete të tjera, ku prona sidomos vitet e fundit ka njohur një rritje të madhe të vlerës së saj. Ka vëmendjen e SPAK-ut. Është kambanë alarmi për të gjitha institucionet shtetërore, jo vetëm për SPAK.
Sepse në SPAK kemi ndjekjen penale, por përpara kësaj të gjitha institucionet duhet të ndjekin detyrën e tyre. Të marrë fund njëherë e mirë abuzimi me pronat shtetërore”, theksoi Dumani.
Z. Dumani ! Ju keni shume te drejte ne konstatimin tuaj se tjetersimi i pronave ” eshte edhe ceshtje e administrates shteterore “. Ne fakt, kjo ceshtje i perket, nga fillimi deri ne fund administrates shteterore, e cila eshte fund e krye e korruptuar. Po te mos kishin qene ( dhe te mos jene ) te korruptuara zyrat ( drejtuesit ) e ASHK-se ne Lezhe, Durres etj., pronat e tjetersuara me dokumente false nuk do te ishin regjistruar ne emrat e grabitesve. Nga ana tjeter, eshte e pafalshme qe prokuroret tuaj i cojne tjetersuesit ne gjyq dhe, ne fund, kerkojne nga 2-3 vjet burg per ta, thjesht per perdorim te dokumenteve te falsifikuara ose shperdorim detyre, kur ne fakt ne te gjitha rastet kemi te bejme me grup kriminal qe ka bashkepunuar ( me goje dhe me veprime ) per tjetersimin ( pervetesimin ) e prones shteterore apo private. Prandaj SPAK duhet te hetoje ( pergjoje, fotografoje etj. ) rastet si grupe te organizuara kriminale dhe t’i denoje per pervetesim pronash ne vlera dhjetera milion euro dhe jo vetem per falsifikime e shperdorime. Falsifikimet dhe shperdorimet kane sherbyer si mjete per pervetesimin, dhe jo si qellim. Kaq e korruptuar edhe administrata e ASHK ( ne qender dhe neper bashki ) saqe kane bashkepunuar dhe bashkepunojne me elementet kriminale ne tjetersimin dhe regjistrimin e pronave te vjedhura dhe, nga ana tjeter, nuk iu regjistrojne pronat pronareve te ligjshem, qe i kane fituar me vendime gjyqesore te formes se prere.
Pas 34 vjetesh grabitje,shitje,blerje,tjetersim TOKA, dokumenta,SINORE,,Sot duhet Ushtria me vete te marresh Tokat e tua,
shteti nuk ka Institucione shteterore o duman. Ato jane etiketa per leter. Biles as shtet ska.
…të gjitha institicionet!… Kthehuni në shkollë!
Në median shqiptare ka ndodhur nje fenomem i çuditshëm gjuhësor, që gradualisht po merr formën e legjitimitetit, si kudo në çfo fushë të jetës!
Institucioni nuk “institucionia”, o gjazetar! Nuk dimi granatikën e klasës së 7-të! Ku keni studjuar, o të bekuar, që njollosni Gjuhën Shqipe, që është Gjuhë Perëndie!
Thuhet dhe shkruhet: i gjithë institucioni – të gjithë institucionet; dokumenti i falsifikuar-dokumentet e falsifikuar; qytet tjetër – qytete të tjerë; një institucion shtetëror – të gjithë institucionet shtetërorë…