Aleko Myrtollari, autori i dyshuar i plagosjes me thikë të bashkëshortes së tij Manjola Myrtollari, është vetëdorëzuar në polici mbrëmjen e sotme.
Dorëzimi u arrit pas negociatave polici-familjarë.
Manjola Myrtollari, 38-vjeç, është nisur me helikopter drejt Spitalit të Traumës në Tiranë ditën e djeshme. E dëmtuara i është nënshtruar një ndërhyrje kirurgjikale dhe është ende në gjendje të rëndë për jetën.
Familja Myrtollari kishte më pak se një muaj që ishte vendosur në një pallat në lagjen nr. 10 të Korçës.
I papunë dhe i alkoolizuar, Aleko ishte edhe nën ndikimin e xhelozisë. Vajza e madhe telefonoi policinë për ndihmë dhe duket se koha ka qenë faktor ndihmues deri tani, pasi e plagosura po mbahet në jetë. Në të kundërtën hemorragjia do kishte qenë fatale.
Aleko Myrtollari debatonte shpesh me të shoqen, për shkaqe xhelozie thanë familjarët jashtë kamerave.
Kështu me gjasë ka ndodhur dhe mbrëmjen e së dielës, kur Myrtollari nxori fëmijët nga shtëpia në orën 22:00 dhe e goditi 5-6 herë me gërshërë në trup.
Çifti i bashkëshortëve sipas fqinjëve më herët kishin jetuar në Tiranë dhe kishin më pak se një muaj që ishin vendosur në Korçë. Ata ishin me origjinë nga fshati Porodinë, kurse autori punonte në Gjermani si emigrant sezonal.
38-vjecarja ishte e papunë dhe kujdesej për 3 fëmijët.
a.q. / dita
