Mbi 30 mijë maturantë në të gjithë vendin kanë zhvilluar të mërkurën (datë 7 qershor), provimin dytë të Maturës Shtetërore 2023, në lëndën e gjuhës shqipe dhe letërsisë.
Teza e provimit kishte në përmbajtje 34 pyetje, 20 prej të cilave me alternativa, ndërsa pjesa tjetër pyetje që kërkonin zgjidhje me shtjellim.
Qendra e Shërbimeve të Arsimit ka zbardhur gjatë ditës së sotme, edhe skemën e përgjigjeve të sakta për secilin nga variantet e testit të letërsisë. Në këtë mënyrë maturantët kanë mundësi që të orientohen rreth pikëve të mundshme që do të fitojnë në këtë provim me përgjigjet e plotësuara. Çelësin e përgjigjeve të sakta për provimin e gjuhës dhe letërsisë e gjeni të detajuar edhe në vijim të shkrimit.
Sipas skemës së vlerësimit, pyetjet me alternativa do të korrigjohen nga sistemi elektronik. Nëse për një pyetje keni mbushur dy rrathë, përgjigja juaj për këtë pyetje do të konsiderohet e pavlefshme dhe do të vlerësohet me 0 pikë. Gjithashtu, bëhet e ditur se nëse për një pyetje nuk keni mbushur asnjë rreth, ajo pyetje do të vlerësohet po me 0 pikë.
Sikundër ka ndodhur me gjuhën e huaj, edhe për këtë provim, vlerësimi maksimal do të jetë me 60 pikë, ndërsa për të qenë kalues, maturanti duhet të sigurojë detyrimisht 25 për qind të këtij totali pikësh me të cilat vlerësohet testi. Kandidatët që nuk sigurojnë këtë nivel të kërkuar pikësh, e humbasin të drejtën për të qenë pjesë e garës së pranimeve për studimet në shkollat e larta, përgjatë raundit të parë të pranimeve që do të zhvillohen në mbyllje të muajit korrik. Këta kandidatë duhet të presin sezonin e vjeshtës për të dhënë sërish këtë testim dhe vetëm në rast se rezultojnë kalues do mund të përfshihen në garë për studimet larta duke aplikuar në raundin e dytë të pranimeve që do të zhvillohet përgjatë muajit shtator.
Varianti A Skema e vlerësimit gjuhë shqipe dhe letërsi (Gjimnazi dhe Gjimnazi gjuhësor)
Varianti B Skema e vlerësimit gjuhë shqipe dhe letërsi (Gjimnazi dhe Gjimnazi gjuhësor)
p.k\dita
