Është shuar në moshën 96-vjeçare Mbretëresha Elisabeth II.
Monarkja britanike ndërroi jetë në Kalanë Balmor në Skoci ku ishte shpërngulur pas probleme shëndetësore.
Familja Mbretërore me anë të një postimi në twitter njofton lajmin e hidhur që pikëlloi Britaninë mbrëmjen e sotme.
Por kush ishte Mbretëresha Elisabeth, monarkja më jetëgjatë e botës
Princesha Elizabeth Alexandra Mary lindi në Londër më 21 prill 1926. Në atë kohë, askush nuk priste që ajo të ishte mbretëreshë pasi ishte e treta në radhën e fronit pas xhaxhait dhe babait të saj. Gjatë mbretërimit të saj rekord, ajo ia kushtoi jetën shërbimit të vendit të saj dhe Commonëealth.
Në një fjalim në radio në vitin 1947, në ditëlindjen e saj të 21-të, ajo tha:
“Unë deklaroj para jush se e gjithë jeta ime, qoftë e gjatë apo e shkurtër, do t’i kushtohet shërbimit tuaj dhe shërbimit të familjes sonë të madhe perandorake, të cilës ne të gjithë i përkasim.”
Princesha Elizabeth u bë mbretëreshë në vitin 1952 në moshën 25-vjeçare, kur babai i saj, Mbreti George VI, vdiq. Mbretërimi i Mbretëreshës pa 15 kryeministra të ndryshëm, nga Sir Winston Churchill te Liz Truss.
Ajo ishte më e vizituar se çdo lider tjetër ndërkombëtar dhe kreu më i vjetër i shtetit në botë, duke përdorur gjithmonë formën e saj të veçantë të diplomacisë së qetë për të përfaqësuar Mbretërinë e Bashkuar në mbarë botën.
Në vitin 2015, ajo u bë gjithashtu monarkja britanike më jetëgjatë në histori, duke kaluar rekordin e vendosur nga stër-stërgjyshja e saj, Mbretëresha Victoria.
Si kreu i shtetit dhe kreu i kombit, Mbretëresha Elizabeth II konsiderohej gjerësisht si një simbol i stabilitetit, duke punuar pa u lodhur për t’u siguruar që monarkia të mbetej e rëndësishme gjatë një periudhe ndryshimesh të mëdha sociale, teknologjike dhe ekonomike.
Ajo ishte një monarke pa të barabartë, e cila tani do të mbahet zi në të gjithë globin.
j.l./ dita
