Kërcënimi bërthamor në botë është rikthyer në skenë pas deklaratave të fundit të Dmitri Medvedev, nënkryetar i Këshillit të Sigurimit të Rusisë.
Medvedev ka paralajmëruar se vendi i tij do të nisë një sulm bërthamor parandalues, në rast se Ukraina merr armë bërthamore, një mundësi që Medvedev nuk e ka përjashtuar.
“Ka ligje të paepur të luftës. Nëse bëhet fjalë për furnizimin (furnizimit të Ukrainës) me armë bërthamore, do të duhet të bëhet një sulm parandalues”, tha Medvedev gjatë një vizite në Vietnam. Ai shtoi më tej se vendet e NATO-s po zgjerojnë llojet e armëve që dërgojnë në Ukrainë dhe se “regjimit të Kievit me siguri do t’i jepen avionë (F-16) dhe “ndoshta armë bërthamore”.
“Por kjo do të thotë se raketat me ngarkesë bërthamore do të bien mbi to”, shtoi Medvedev, presidenti i Rusisë midis 2008 dhe 2012 dhe udhëheqësi aktual i Rusisë së Bashkuar, partisë së Kremlinit.
a.q. / dita