Policia e Shtetit, për herë të parë, ka zbarkuar ditën e sotme në kampin e MEK në Durrës, ku janë të strehuar anëtarë të opozitës iraniane.
Me urdhër të SPAK, policia ka ushtruar kontrolle dhe burime bëjnë më dije se brenda kampit policia ka gjetur disa servera nëpërmjet të cilëve janë hackeruar disa institucione të huaja.
Gjatë kontrollit, policia është hasur me rezistencën e muxhaedinëve, të cilët edhe protestuan, duke larguar nga kampi efektivët e policisë. Muxhahedinët ngrenë pretendimet se policia ka vrarë një anëtarë të komunitetit të tyre, por MB mohon që gjatë operacion të ketë pasur të vdekur dhe dyshohet se burri, rreth 65 vjeç të ketë ndërruar jetë nga arresti kardiak.
Ndërkohë trupi i pajetë i 65-vjeçarit është dërguar në Institutin e Mjekësisë Ligjore në Tiranë, ku do t’i nënshtrohet ekspertizës, e cila do të përcaktojë edhe shkakun e vdekjes.
