Shtohet siguria për kreun e Prokurorisë së Posaçme, Altin Dumani.
U raportua se prej 2-3 javësh, drejtuesi i SPAK, një prej institucioneve më të rëndësishme të drejtësisë Altin Dumani lëviz me makinë të blinduar.
Po kështu mësohet se pranë shtëpisë së tij është shtuar një grup policor.
Vetëm gjatë javëve të fundit, SPAK ka ndërmarrë një sërë operacionesh që kanë çuar në pranga persona të inkriminuar, zyrtarë ose jo, duke e vënë në shënjestër këtë institucion dhe të deklaratave politike.
Por Prokuroria e Posaçme ka hedhur poshtë pretendimet se kreut të SPAK, Altin Dumanit i rrezikohet jeta.
Përmes një komunikate për media. SPAK pranon shtimin e masave të sigurisë për drejtuesin Dumani, ndërkohë që mohon lajmet se ai mund të jetë kërcënuar.
Sipas SPAK shtimi i masave të sigurisë është konform procedurave standarde.
“Nisur nga publikimet në media dhe interesi i lartë publik, informojmë se: Në zbatim të akteve ligjore dhe nënligjore Drejtuesi i Prokurorisë së Posacme mbrohet nga Garda e Republikës e cila bashkëpunon dhe koordinon veprimet me Policine e Shtetit. Mbrojtja e Drejtuesit të Prokurorisë është konform procedurave standarde të miratuara”.
j.l./ dita
