Vijojnë kërkimet në Turqi. Tetë ditë pas tërmetit tragjik, ekipet e shpëtimit vijojnë të kërkojnë të mbijetuar nën rrënoja.
Një mesuese turke, Emine Akgul, u shpëtua nga një ndërtesë e shembur më shumë se 200 orë pas tërmetit.
Ajo u gjet në një ndërtesë gjashtëkatëshe, ku shumë njerëz punuan me kujdes, por shpejt për ta hequr atë nga betoni në kryeqytetin e Hatay, Antakya.
Zëvendës shefi i Spitalit të Qytetit Adana, Nursah Keskin, tha: “Ajo mund të vuajë nga dëmtimi i indeve për shkak të urisë dhe etjes. Pacientët tanë ka shumë të ngjarë të vuajnë nga dëmtimi i veshkave dhe kjo është arsyeja pse ne do të duhet ta monitorojmë atë dhe ta mbajmë në njësinë e kujdesit intensiv.”
Edhe një grua 77-vjeçare është njxerrur nga rrënojat në qytetin Adiyaman, pas 212 orësh e bllokuar që nga tërmeti në Turqi.
E moshuara u nxorr nga rrënojat e një blloku apartamenti në Adiyaman. Ajo u transportua nga punonjësit e shpëtimit nga rrënojat e ndërtesës në një ambulancë në pritje.
Karvani i parë i ndihmës i OKB-së ka hyrë përmes një kalimi kufitar të rihapur në Sirinë veriperëndimore të kontrolluar nga rebelët, të shkatërruar nga tërmeti i javës së kaluar. OKB tha se 11 kamionë kaluan nga Turqia në Bab al-Salameh të martën.
Dy tërmete shkatërruese goditën të hënën pjesë të Turqisë dhe Sirisë. Tërmeti kryesor u pasua nga dhjetëra pasgoditje. Sipas informacioneve të fundit, më shumë se 41,000 njerëz kanë vdekur dhe shifra pritet të vazhdojë të rritet.
Fillimisht jugu i Turqisë u godit nga një tërmet me magnitudë 7.8 gradë të shkallës Rihter dhe u ndje në disa vende të rajonit dhe përveç njerëzve në Turqi, viktimat më të shumta ishin në Sirinë fqinje.
j.l./ dita
