Parku Kombëtar i Butrintit përbën një nga atraksionet turistike më të vizituara në Shqipëri. Kombinimi i natyrës dhe historisë mijëra vjeçare ngjall kuriozitetin e pushuesve nga e mbarë bota.
37000 vizitorë kryesisht europian prekën nga afër Butrintin në 6 mujorin e parë të këtij viti.
Janë turistë nga anë e mbanë botës, të cilët historia afro 2 mijë e 500 vjeçare e qytetit antik të Butrintit i ka mrekulluar.
Në Parkun Arkeologjik që mbrohet nga UNESCO këtë fillim gushti vizitorët janë të të pafund.
Parku ka 15 zona të periudhave të ndryshme, nga shekulli i IV para Krishtit deri në shekullin XVI pas Krishtit por kështjella është ajo që terheq më shumë vëmendjen e turistëve.
Shumë prej turistëve, Butrintin e shohin për herë të parë por premtojnë se do e rekomandojnë te miqtë si një destinacion që duhet të vizitohet patjetër në Shqipëri.
Parku arkeologjik i Butrintit që ndodhet afro 20 km larg Sarandës mbetet nga sitet arkeologjike më të frekuentuara në vend, duke u vizituar nga rreth 800 vizitorë në ditë.
Ndër ta kryesojnë spanjollët, por edhe turistë nga e gjithë Europa.
Edhe nordikët njihen si vizitorë të rregullt të Butrintit.
Historia e Butrintit e ka bërë atë të jetë destinacion i padiskutueshëm, për këdo që viziton jugun e Shqipërisë.
j.l./ dita
