Chelsea thuhet se ka refuzuar një ofertë nga Milan-i për sulmuesin e tyre premtues 22-vjeçar Armando Broja.
Klubi londinez është i vendosur të mbajë talentin e ri dhe planifikon ta ketë në projektin e tij afatgjatë. Pavarësisht interesimit nga Milan-i, Chelsea ka besim në potencialin e Brojës dhe aftësinë e tij për t’u zhvilluar më tej si futbollist në “Stamford Bridge”.
Broja ka qenë një nga të rinjtë më të shquar të Chelsea-t në vitet e fundit, pasi ka pasur eksperienca huazimi për zhvillimin e tij.
Megjithatë, klubi anglez konsideron se e ardhmja e tij qëndron në radhët e tyre dhe nuk është i gatshëm të mendojë për një largim në këtë moment, me refuzimin e kësaj qasjeje të parë nga Milan-i me synimin për tregun e dimrit që reflekton besimin e Chelsea tek sulmuesi.
Skuadra kuqezi, nga ana e saj, është e vetëdijshme për kufizimet sulmuese që ka këtë sezon në skuadrën e saj dhe për këtë arsye ka menduar për opsionin e Brojës për të bërë një kërcim në cilësinë sulmuese për pjesën e dytë të sezonit.
Por, Milan-i do të duhet të gërmojë thellë në xhepin e tij nëse dëshiron të marrë shërbimet e sulmuesit shqiptar dhe të bindë Chelsea-n të pranojë largimin e tij në muajt në vijim.
a.c./dita
