Ministri i Jashtëm turk Mevlut Çavusoglu është shprehur se është e pakuptimtë të mbahet një takim trepalësh me Suedinë dhe Finlandën për të diskutuar anëtarsimin e tyre në NATO.
“Do të ishte i pakuptimtë një takim në rrethanat aktuale. Cili është qëllimi i këtij takimi trepalësh? Ne paraqesim në tryezë marrëveshjen dhe kalojmë cdo nen dhe kontrollojnë cfarë kanë bërë Suedia dhe Finlanda për to. Por duke patur parasysh situatën aktuale, ne e vonuam takimin pasi nuk do të ishte i shëndetshëm.”
Në konferencën për shtyp me ministrin e Punëve të Jashtme të Serbisë, Ivica Daçiç, ministri i Jashtëm turk komentoi edhe deklaratat e homologut të tij finlandez për të shqyrtuar opsionin e anëtarësimit në NATO pa Suedinë, pas bllokimit nga ana e presidentit RexhepTayip Erdogan.
“Nuk kemi marrë një propozim zyrtar për të ndarë procesin e anëtarësimit të Suedisë dhe Finlandës.Meqë ne nuk e kemi marrë një propozim të tillë, nuk do të jetë e drejtë të komentojmë nëse do ta vlerësojmë apo jo.”
Më herët presidenti turk u shpreh se Suedia nuk duhet të presë mbështetjen e Turqisë për anëtarësimin e saj në NATO. Deklaratat erdhën pas një proteste pranë ambasadës turke në Stokholm në fundjavë, ku u dogj një kopje e Kuranit.
