Ministri i Mjedisit, Urbanizimit dhe Ndryshimeve Klimatike i Turqisë, Mehmer Ozhaseki deklaron se rreth 600 mijë ndërtesa në Stamboll, rrezikojnë të shemben. Në një intervistë për televizionin NTV ai tha se nga 6 milionë shtëpitë në qytet, 600,000 rrezikojnë të shkatërrohen, nëse vendi tronditet nga një tjetër lëkundje e fuqishme sizmike.
Ozhaseki tha se qeveria po punonte për të krijuar hapësira rezervë brenda planit të transformimit urban, i cili përfshin ndërtimin e shtëpive të forta rezistente ndaj tërmetit, shkruajnë mediat e huaja.
“Ne po punojmë për të ndërtuar më shumë se 300,000 shtëpi në zonat e rezervuara të Stambollit, por gjetja e zonave të tilla me tokë të fortë rreth qendrës së qytetit është e vështirë,” vuri në dukje ai.
Në shkurt, më shumë se 50,000 njerëz vdiqën kur lëkundjet e forta goditën pjesën jugore të vendit.
Pas kësaj fatkeqësie, Stambolli ka nisur një program për të ofruar skanime të shpejta të ndërtesave pasi shumë banorë shqetësohen për sigurinë e banesave të tyre. Në një tjetër tërmet të fuqishëm që goditi Turqinë veriperëndimore në vitin 1999, 17,000 njerëz u vranë dhe rreth 1,000 ishin në Stamboll.
j.l./ dita
