Tre prej djemve të liderit suprem Ajatollahut Ali Khamenei të vrarë në ditët e paratë luftës, u shfaqën pranë arkivolit me trupin e të atit dhe 4 pjesëtarëve të tjerë të familjes, gjatë homazheve që po mbahen në nder të tyre në Teheran.
Megjithatë, Mojtaba Khamenei, djali që e pasoi si udhëheqësi i ri suprem i vendit, nuk u shfaq në ceremoni. Mojtaba thuhet të jetë plagosur rëndë në sulmet amerikano-izraelite të 28 shkurtit e sipas disa raportimeve ka pësuar shpërfytyrime të rënda.
Televizioni shtetëror tregoi Mostafa, Meysam dhe Masoud Khamenei teksa luteshin e qanin pranë arkivoleve të vendosura në oborrin e Xhamisë së Madhe në kryeqytet. Në një demonstrim të besnikërisë ndaj Republikës Islamike dhe frymës revolucionare, autoritetet iraniane kanë organizuar një javë ceremoni mortore masive për Ali Khamenein.
Si pjesë e homazheve, trupi i tij do të dërgohet edhe në vendet e shenjta shiite në Irakun fqinj. Mijëra iranianë janë mbledhur për t’i bërë homazhe liderit të ndjerë, e gjithashtu presidenti Masoud Pezeshkian e kreu i Gardës Revolucionare morën pjesë në ceremonitë mortore.
Ceremonitë do të zgjasin një javë, gjatë së cilës do të pezullohen edhe bisedimet e paqes siç njoftoi presidenti Trump për Axios.
Pas procesionit në Teheran, trupi i Khameneitdo të dërgohet në qytetin e shenjtë të Qomit, më pas në Najaf dhe Qerbela në Irakdhe në fund do të varroset në Mashhad. Autoritetet iraniane presin pjesëmarrjen e miliona qytetarëve në ceremonitë mortore, duke i paraqitur ato si një shfaqje të unitetit dhe besnikërisë ndaj Republikës Islamike.
j.l./ dita
