Përgjatë tri ditëve në vijim të gjitha mjetet lundruese dhe anijet e peshkimit nuk do të lejohen të dalin në det.
Autoritetet Detare apelojnë tek të gjithë drejtuesit e anijeve të peshkimit të marrin masa për sigurimin mjeteve, për shkak të erës dhe dallgëve të forta.
Kjo masë ndaluese është shpërndarë në Durrës dhe në Vlorë.
Të gjithë aktorëve u është kërkuar të marrin masa për të siguruar mjetet e tyre lundruese, ndërsa linja e tragetit Durrës-Bari është pezulluar kurse Durrës-Ankona vijon normalisht.
Njoftimi:
Në bazë të parashikimit për situatën hidrometeorologjike të përkeqësuar në Republikën e Shqipërisë gjatë datave gjatë datave 17-18-19, duke filluar nga ora 12:00 e ditës së sotme, era do të jetë me drejtimin Jug-Jug-Lindje dhe më pas në drejtimin Veri-Perëndim në forcën deri 6-8bft me shpejtësi ere deri 20-30m/s dhe lartësi dallge deri 1.70-3.50 m.
Drejtoria e Përgjithshme Detare ka publikuar masat e marra si më poshtë:
- Është ndaluar dhënia e leje – nisjes gjatë datave 17-18-19.11.2023 duke filluar nga ora 12:00 për të gjitha mjetet e vogla lundruese, anijeve të peshkimit dhe janë njoftuar për marrjen e masave për sigurimin e tyre.
- Drejtuesit e mjeteve të vogla lundruese dhe të anijeve të peshkimit janë njoftuar që të kenë në konsideratë kushtet e parashikuara të përkeqësuar dhe marrjen e masave për sigurimin e tyre.
- Janë njoftuar drejtuesit e anijeve të peshkimit dhe mjetet e vogla lundruese për situatën e përkeqësuar dhe për marrjen e masave për sigurimin e mjeteve në vendet e akostuara dhe parandalimin e ngjarjeve dhe situatave gjatë datave 17-18-19.11.2023
- Anijet e transportit ndërkombëtar detar për pasagjer dhe automjete NUK do të vazhdojnë të operojnë deri në përmirësimin e kushteve hidrometeorologjike.
- Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 06:00 të datës 19.11.2023.
Për çdo ndryshim të masave Drejtoria e Pergjithshme Detare do ju informojë!
p.k\dita
