Në fshatin Dushar, pranë Korçës, është regjistruar një situatë e vështirë si pasojë e rrëshqitjes së një masivi dherash nga shpati i malit pranë zonës.
Autoritetet vendore konfirmuan lajmin dhe thanë se po punohet për të shpëtuar këmbët e urës, në një vend me probleme të madha hidrogjeologjike.
Kjo situatë është krijuar nga reshjet e shirave që kanë përfshirë juglindjen e vendit ditëve të fundit ndërkohë që në terren kanë zbritur punonjës së ndërmarrjes së rrugëve që po bëjnë të mundur largimin e këtij masivi dherash që rrezikon seriozisht urën e fshatit e në këtë mënyrë izolon dhe qindra banorë.
