Roja Bregdetare e SHBA konfirmoi dje vdekjen e pesë personave në bordin e ‘Titan’, anija zhytëse që është zhdukur në Oqeanin Atlantik që nga e diela.
Eskpertët kanë ngritur dyshime se nëndetësja ‘Ocean Gate’ e famshme për ekspeditat e saj në Oqeanin Atlantik ndër vite mund të ketë shpërthyer.
Por si shpjegohet dhe si mund të ketë ndodhur kjo gjë?
Titan është një zhytës me fibër karboni. Në thellësinë e Titanikut, i cili ndodhet 3,800 metra nën nivelin e detit, presioni arrin një nivel 380 herë më shumë se presioni atmosferik në sipërfaqen e Tokës, shkruajnë mediat e huaja.
Një defekt ose dështim në bykun e Titanit mund të ketë çuar në një shpërthim, pasi anija i la vendin presionit të lartë të detit të thellë.
Një automjet robotik zhytës gjeti fragmente të nëndetëses në fundin e detit rreth 1600ft (480m) nga vendi i mbytjes së anijes Titanik të enjten.
Vetëm pak orë pasi nëndetësja ‘Titan’ u zhyt në Oqeanin Atlantik të dielën, marina amerikane zbuloi një anomali akustike që dyshohet se lidhet me një shpërthim.
Tingujt e goditjeve të raportuara në fillim të kësaj jave, mendohet se kanë ardhur nga anije të tjera në zonë.
Nëndetësja Titan, e cila operohet nga kompania private amerikane “OceanGate Expeditions”, u zhyt të dielën në orën 8 të mëngjesit në afërsi të brigjeve kanadeze.
Ajo humbi kontaktin me anijen që e shoqëronte, në përfundim të asaj që duhej të kishte qenë një zhytje dy-orëshe në pjesën veriore të oqeanit Atlantik, për të parë rrënojat e Titanikut, që u fundos në vitin 1912.
Sipas kompanisë, nëndetësja kishte 96 orë oksigjen, kohë e cila përfundoi ditën e enjte datë 22 qershor. Të pesë personat në bord besohet të kenë vdekur.
Viktimat ishin Hamish Harding, 58 vjeç, Shahzada Dawood, 48 vjeç dhe djali Suleman Dawood, 19 vjeç, Paul-Henri Nargeolet, 77 vjeç dhe Stockton Rush, 61 vjeç.
Familjet e tyre janë në dhimbje të thellë dhe kanë bërë homazhe pasi ata u shpallën zyrtarisht të vdekur.
j.l./ dita
