Elon Musk thotë se firma e tij e raketave SpaceX do të vazhdojë të financojë shërbimin e saj të internetit Starlink në Ukrainë, një ditë pasi ai tha se nuk mund ta bënte më këtë.
“Dreqin me të… Edhe pse Starlink ende po humbet para dhe kompanitë e tjera po marrin miliarda dollarë nga taksapaguesit, ne thjesht do të vazhdojmë të financojmë qeverinë e Ukrainës falas”, shkroi ai në Twitter.
Starlink ka qenë jetik që ushtria dhe njerëzit e Ukrainës të qëndrojnë në internet. Ukraina thotë se ka ndihmuar në rinisjen e infrastrukturës kryesore pas sulmeve ruse. Instalimet e energjisë ishin ndër objektet e shënjestruara nga më shumë se 100 raketa ruse këtë javë.
Starlink përbëhet nga mijëra satelitë në orbitën e ulët të Tokës dhe terminalet tokësore. Muajin e kaluar, Musk, shefi i Tesla-s dhe njeriu më i pasur në botë, i kërkoi Pentagonit të financonte programin Starlink në vend të tij.
Dhe të premten ai shkroi në Twitter: SpaceX nuk po kërkon të rikuperojë shpenzimet e kaluara, por gjithashtu nuk mund të financojë sistemin ekzistues pafundësisht.
Ky veprim tërhoqi kritika të forta. Musk më herët provokoi zemërimin e Kievit duke sugjeruar se Ukraina mund t’i dorëzonte territorin Rusisë. Programi Starlink kushton 20 milion dollarë (18 milion £) në muaj për tu mirëmbajtur. Ai së fundmi tha se SpaceX kishte shpenzuar 80 milionë dollarë deri më tani për ta mbajtur Ukrainën në internet.
“Përveç terminaleve, ne duhet të krijojmë, lëshojmë, mirëmbajmë dhe rimbushim satelitët dhe stacionet tokësore. Ne gjithashtu na është dashur të mbrohemi kundër sulmeve kibernetike dhe bllokimit, të cilat po bëhen më të vështira”, shkroi ai në Twitter.
Zëvendëskryeministri i Ukrainës, Mykhailo Fedorov, minimizoi tensionet me Musk, duke shkruar në Twitter se miliarderi është ndër donatorët më të mëdhenj privatë në botë që mbështesin Ukrainën.
“Starlink është një element thelbësor i infrastrukturës sonë kritike”, shkroi ai.
j.l./ dita
