Ditën e sotme, Sekretari i Përgjithshëm i NATO-s, Jens Stoltenberg, përmes një postimi në Twitter, ka dënuar vendimin e Rusisë për marrëveshjen e grurit.
Ai ka shkruar se lufta e paligjshme e Rusisë kundër Ukrainës po vazhdon të dëmtojë miliona njerëz vulnerabël në mbarë botën. “Unë dënoj vendimin e njëanshëm të Rusisë për t’u tërhequr nga marrëveshja e grurit të Detit të Zi, pavarësisht përpjekjeve të aleatit tonë Turqisë dhe Kombeve të Bashkuara. Lufta e paligjshme e Rusisë kundër Ukrainës vazhdon të dëmtojë miliona njerëz vulnerabël në mbarë botën”, ka shkruar Stoltenberg.
Zëdhënësi i Kremlit, Dmitry Peskov, deklaroi se marrëveshja e grurit është ndërprerë. Ai specifikoi se Rusia do t’i kthehet menjëherë kësaj çështjeje sapo të respektohet ajo që po kërkohet nga ata. Marrëveshja që lejoi Ukrainën të eksportojë drithërat e tij të sigurta përtej Detit të Zi pritet ditën e sotme.
Skadimi i marrëveshjes së grurit, sot është shqetësues ndërkombëtarisht, pasi Rusia dhe Ukraina duhet të rinovojnë marrëveshjen. Kremlini ka kërcënuar vazhdimisht se do t’i japë fund marrëveshjes, duke rrezikuar të shkaktojë një krizë globale ushqimore.
Mediat ukrainase dhe ruse flasim për shpërthim në urën e Krimesë, ku deri tani raportohet për dy të vdekur. Sipas agjencisë Rbc Ukraine dhe kanalit pro-rus Gray Zone, shpërthimet ndodhën në orën 3:04 dhe 3:20 me orën lokale.
