I moshuari Muhamet Allisha, për disa orë ishte në gjendje të rëndë shëndetësore pas aksidentit që pësoi në qendër të qytetit të Korçës mbrëmjen e djeshme, ku u përplas nga një veturë.
Më pas, pati tentativa për ta transportuar me helikopter drejt Traumës në Tiranë, por për shkak të gjendjes shumë të rënduar helikopteri mbërriti në qytetin juglindor dhe u kthye bosh, sepse Allisha ndërroi jetë për shkak të plagëve.
I moshuari u përplas nga automjeti tip “Benz”, ndërsa lëvizte me biçikletë. Ngjarja ndodhi rreth orës 16:15, në bulevardin “Republika”.
Policia njoftoi se ka vënë në pranga 28-vjeçaren O.M., e cila përplasi të moshuarin me biçikletë në qendër të Korçës.
