Nga dje Tirana është zyrtarisht në festë. Kryebashkiaku Erion Veliaj i rrethuar nga fëmijë dhe qytetarë të qytetit, ndezi dritat e pesë pemëve që këtë herë janë vendosur në zemër të Tiranës.
“Edhe këtë dhjetor do të doja t’ju ftoja që teksa ndezim këto dritat e pemëve dhe zbukurimeve magjike në Tiranë, që secili ta ndizte një dritë të vogël te zemra e tij, të bëhemi pak më të mirë, pak më solidarë, të kujdesemi për dikë që ka një nevojë të cilën ne mund ta plotësojmë. Do të doja që të gjithë, pas këtyre dritave të ndezim dritën e zemrës sonë dhe të mendjes sonë për ta bërë Tiranën vërtet një qytet model”, tha ai.
