Disa javë më parë u tha se Sergio Ramos, i cili është ende pa ekip që kur vendosi të largohej nga PSG për shkak të përfundimit të kontratës me skuadrën franceze, donte të përcaktonte të ardhmen e tij para fundit të korrikut, ose fillimit të këtij muaji gusht.
Siç mëson kjo gazetë, objektivi prioritar i Ramos është të shkojë në Inter Miami, ku mund të vazhdojë përkrah argjentinasit dhe ish-lojtarit të Barçës, me të cilin ka ndarë stolin këto dy sezonet e fundit te PSG. Për më tepër, klubi parizien prezantoi dy futbollistët në të njëjtën ditë në verën e vitit 2021 në Parc des Princes.
Prandaj Sergio Ramos nuk ka dashur të aktivizojë opsione të tjera, duke pritur që klubi i Amerikës së Veriut ta thërrasë për t’iu bashkuar këtij projekti, ku do të përkonte edhe me Sergi Busquets dhe Jordi Alba. Dëshira për në Miami për Ramos është gjithashtu edhe për arsye familjare.
Kjo shpjegon pse Ramos nuk ka aktivizuar opsionin e dytë të madh të tregut, që është Arabia Saudite. Mega kontratat milionere të ligës saudite joshin, por mbrojtësi nuk është mjaft i bindur, se çfarë do të thotë kjo për jetën familjare.
Në rast se opsioni i MLS nuk do të ekzistonte, mbrojtësi do të mendonte seriozisht të shkonte në këtë ligë të re së bashku me ish-shokët e skuadrës si Cristiano Ronaldo apo Benzema. E më pas nuk përjashton që me afrimin e fundit të merkatos të shfaqen edhe liga të tjera si ajo turke.
Por Ramos po mendon për MLS, sepse ndihet ende shumë konkurrues pas një sezoni të kaluar ku ka luajtur 45 ndeshje me gjithsej 3699 minuta te PSG-ja.
j.l./ dita
