Autori i ngjarjes së mbrëmshme në fshatin Zëmblak të Maliqit, Gjergj Mullalli është gjetur i vdekur nga policia.
Ngjarja e rëndë ndodhi mbrëmjen e djeshme teksa policia bëri të ditur se “në një gropë septike pranë banesës së saj, është gjetur e pajetë, shtetasja L. M., 46 vjeçe”.
“Nga hetimet paraprake të kryera dyshohet se autori i kësaj ngjarjeje është bashkëshorti i saj shtetasi Gj. M. Nga ana e Policisë janë ngritur grupe kontrolli me qëllim kapjen e tij”, thuhej në njoftimin për shtyp të policisë.
Pas krimit autori u largua nga vendngjarja, ndërsa forca të shumta policie u vendosën në kërkim të tij derisa mëngjesin e sotëm ai është gjendur i vetëvrarë në shtëpinë e kushëririt të tij.
Arsyet që e çuan Gjergji Mullallin të kryejë vrasjen mbeten të paqarta, por nga të dhënat paraprake mësohet se jeta bashkëshortore e tyre ishte në krizë dhe çifti ishte në proces divorci.
o gazetare ! Ku Zemblaku dhe ku Maliqi jane 20 km larg! A i eshte gjetur ne Zemblak ne fshatin ku Ahmet Zogu qendroi nje nate para se te arratisej nga Kapshtica ne Greqi ! Meqe bashkia e Maliqit perfshin te gjithe fshatrat e fushes se Korces, keta nje e dy i bien shkurt, thone u gjet ne Maliq.