Eshtë zbardhur ekspertiza paraprake e zjarrit në pallatin në rrugës “Sali Butka” në Tiranë.
Shkak i zjarrit është bërë kondicioneri në katin e nënë të pallatit. Mësohet se hyrja në katin e nëntë të pallatit është në pronësi të një mjeku.
4 apartamente janë thuajse të shkrumbuara, ndërsa më shumë se 10 të tjerë kanë dëme të pjesshme. Një pjesë e mirë e fasadës së pallatit është djegur, copat e saj kanë mbetur tashmë përtokë.
Në këtë pallat banojnë rreth 70 familje, por një ditë pas ngjarjes ato i gjen jashtë tij të tensionuar. Disa ende nuk e dinë se çfarë dëmesh ka pësuar banesa e tyre, pasi brenda në pallat policia e Tiranës po punon për zbardhjen e shkaqeve të rënies së zjarrit.
Të tjerë kanë mundur të futen, sa për të marrë rrobat. Për pasojë, natën janë detyruar ta kalojnë tek të afërmit.
Për ngjarjen është ngritur një grup hetimor që ka marrë dëshminë e administratorit dhe disa prej banorëve.
o.j/dita
