Një grua ka bërë denoncimin në polici ditën e djeshme, pasi prej 5 ditësh ka humbur kontaktet me vajzën e saj 18-vjeçare, që duket se është larguar nga banesa pa e informuar dhe në rrethana ende të paqarta. Denoncimi është bërë në Komisariat.
“Në Komisariatin e Policisë Fier, ka bërë kallëzim shtetasja R. H., 39 vjeçe, se në datë 09.08.2023, i është larguar nga banesa, vajza e saj 18 vjeçe, dhe nuk është kthyer më. Po punohet për gjetjen e 18-vjeçares”.
Nëna tha se kishte pritur që e bija të kthehej dhe pasi e kërkoi te të afërmit, vendosi ta denonconte humbjen. E reja besohet se është larguar me ndonjë person që ka njohur kohët e fundit.
