Ndeshja mes Al Nassr të Cristiano Ronaldos dhe Al Ahli, të cilët po luftonin për një vend në Ligën e ardhshme të Kampionëve të Azisë, la një gjest të ri të dhunshëm nga Cristiano Ronaldo, që dëmton punën e tij të mirë në fushë dhe imazhin publicitar.
Sulmuesi portugez u tregua shumë agresiv në pjesën e parë të lojës dhe u largua nga fusha për të shkuar në dhomat e zhveshjes, duke i bërtitur vrazhdë ekipit të arbitrave. Shkak u bënë edhe tre penallti të pretenduara nga skuadra e tij dhe vetë ai personalisht, duke shkaktuar pakënaqësi.
Gjatë rrugës për në dhomat e zhveshjes, ai u përplas edhe me një tifoz që donte të bënte një ‘selfie’ me yllin portugez, i cili në vend që të fotografonte, i dha një shtytje të fortë për ta hequr nga rruga.
