Fundoset biznesmeni Kastriot Hasko. Prokuroria e Fierit i ka sekuestruar 2.6 milionë euro në llogari bankare, ndërsa ndaj tij vijojnë hetimet për përfitimin e 1143 hektarëve tokë përmes dokumenteve të falsifikuara.
Përveç shumës prej 2.6 milionë eurosh, Prokuroria i ka sekuestruar Haskos edhe 1 milion e 865 mijë lekë, 7515 dollarë dhe një automjet luksoz “Bentley”, me vlerë të raportuar 250 mijë dollarë.
Goditja pasurore ndaj Haskos lidhet me dosjen e tjetërsimit të 1143 hektarëve tokë në zonën e Semanit. Biznesmeni ndodhet aktualisht nën masën e sigurisë “arrest në shtëpi”.
Sekuestroja e re vjen pas operacionit të 17 shtatorit 2026, kur Prokuroria e Fierit njoftoi sekuestrimin e 76 pasurive me një sipërfaqe totale prej 11,437,056 metrash katrorë, rreth 1143 hektarë, si dhe 150 mijë euro. Hetimi zhvillohet në kuadër të procedimit penal nr. 1026 të vitit 2025.
Sipas Prokurorisë, Hasko paraqiti pranë Kadastrës së Fierit dy vendime të falsifikuara të Komisionit të Kthimit dhe Kompensimit të Pronave dhe, mbi bazën e tyre, regjistroi në bashkëpronësi me katër persona të tjerë sipërfaqen prej 1143 hektarësh në Seman të Ri dhe Sheq Marinas. Organi i akuzës pretendon se më pas Hasko përdori një prokurë të posaçme të falsifikuar për t’ua shitur tokën dy shoqërive.
Në të njëjtën dosje janë nën akuzë edhe ish-drejtorët e Kadastrës së Fierit, Ertis Shehu dhe Bardhyl Kapaj, si dhe juristi Piro Çela. Prokuroria i akuzon për veprime që lidhen me regjistrimin e pasurive pa kërkuar konfirmimin e dokumenteve nga Agjencia e Trajtimit të Pronës. Akuzat e ngritura në procedimin penal përfshijnë “Falsifikimin e dokumenteve”, “Shpërdorimin e detyrës” dhe “Pastrimin e produkteve të veprës penale ose veprimtarisë kriminale”.
Më 19 shtator, Gjykata e Fierit ndryshoi masën e sigurisë për Kastriot Haskon nga “arrest në burg” në “arrest në shtëpi”. Për Ertis Shehun, Bardhyl Kapajn dhe Piro Çelën, gjykata la në fuqi masën “arrest në burg”.
j.l./ dita
BADËRDIA ME PRONAT ” KANCER ” U BË NGA SALISËRBI ME L.7501 ME DREJTËSINË E DEGJENERUAR TË TIJ 92,DUKE DHËNË NË PRONËSI MILITANTVE MË SHUMË VERIOR..NGA NË PËRDORIM QË KËRKOI PS..DERI NË STABILIZIM TË VËNDIT,NDAJ U VRAN MBI 16.000 NJËRZ.
DHE,KJO KATRAHURË U BË NË ZBATIM TË KATOVICËS SË RAMIZ AKISË 90 DËNË SALIUT..KU PUSHTETIN DO TA KEMI NE GJITHË JETË,..NDËRSA PRONARËT TË TELENDISEN NËPËR GHYQE PA MBARIM DERI NË VDEKJE.
DMTH: KRIMI KA EMËR,NDAJ DREJRËSIA NUK LËVIZË,PASI VILAT E TYRE JANË NË 28 MIJ KM/,2,FILKUAR NGA SALIU ME 60 VILA,LIKE,LULI,MULI,VOKSHI,TABAKE,ARBEN KRAJA,ETJ..BADËRDI ME PRONA,DOLLAR,TRAFIKIME,EMBARGO….SEXS ME TONELATA NËPËR BITË,PASI NUK PO NDËRTOHEN SHPI PUBLIKE.!
DHE,MALLKOJNË ENVERIN QË E MBAJTI VËNDIN QELIBAR.!
FLM DITA