Policia e Kretës në Greqi është në kërkim të gjurmëve të një reperi të njohur dhe partneres së tij, pasi një studente 19-vjeçare nga Shqipëria ka denoncuar se është përdhunuar nga muzikanti dhe miku i tij, në një hotel në Rethymnon, në orët e para të së hënës.
Pasditen e djeshme policia ka arrestuar një 30-vjeçar shqiptar në portin e Heraklionit teksa po përgatitej të hipte në skafin e nisur për në Pire. Ndërsa reperi 24-vjeçar dhe partnerja e tij 23-vjeçare, janë shpallur në kërkim.
24-vjeçari, edhe pse jo i identifikuar me emër, konsiderohet si një nga yjet e skenës greke për momentin dhe është djali i një këngëtari të njohur hip-hop dhe artisti tatuazhesh, i cili u gjet i vdekur në dyqanin e tij në vitin 2011.
Si ndodhi ngjarja?
Studentja shqiptare ka denoncuar se është përdhunuar nga disa persona. Siç pretendon e reja, ngjarja ka ndodhur në Rethymno të Kretës.
Ajo ka qenë duke u argëtuar në një klub të të njohur në këtë zonë, ku këndonte reperi. Më pas një bashkëpunetor i tij e ka marrë në gjendje të dehur dhe e ka çuar në hotel në orët e para të së hënës.
Aty, reperi i ka ofruar një sasi kanabisi, duke bërë që vajza të humbasë plotësisht kontrollin e vetes. Pak më vonë, ka mbërritur në dhomë edhe një 30-vjeçar me origjinë shqiptare.
Sipas denoncueses e kanë përdhunuar të dy. Kur pak më vonë e kuptoi se çfarë kishte ndodhur, e reja njoftoi disa nga miqtë e saj dhe ata shkuan në Polici.
m.b./dita
