Në pritje të shortit të 2 dhjetorit, Federata Shqiptare e Futbollit ka nisur menjëherë nga puna për të bërë një Evropian sa më të mirë, mbi të gjitha të mos u mungojë asgjë kuqezinjve në të këtë aventurë.
Në një postim në rrjetet sociale, presidenti Armand Duka shkruan:
“Respekt, mirënjohje e falenderime nga zemra për ekipin tonë kombëtar, stafin teknik e administrativ që na sollën në këtë vend nderi në renditjen e ekipeve. Kualifikimi ishte ëndërr e realizuar dhe më parë, por vendi i parë në grup e renditja si skuadra e 11 e Europës ka qenë e pabesueshme më parë, e sot realitet.
Nga sot, kemi filluar një program të strukturuar për t’u përgatitur më mirë për sfidën tonë të ardhshme, e cila për ne është thelbësore, një rezultat pozitiv në Euro2024.
Mbështetja juaj na mbush me energji pozitive dhe për këtë dua t’ju falenderoj të gjithëve. Bashkë, ne mund të arrijmë shumë!”.
p.k\dita
