Pasi SPAK i komunikoi mbylljen e hetimeve ndaj tij, Ilir Meta ka kërkuar lirimin nga burgu.
Seanca ka nisur këtë të premte prej orës 10:00 ndërsa në GJKKO u paraqit avokati i ish-presidentit, Kujtim Cakrani.
Seanca zhvillohet me dyer të mbyllura dhe kërkesa po shqyrtohet nga gjyqtari Erjon Bani.
Ish-presidenti Ilir Meta nuk është i pranishëm, por përfaqësohet nga avokatët Kujtim Cakrani dhe Dylejman Karaj.
Ndërsa përfaqësues i SPAK është Alfred Shehu, i cili po merr pjesë në seancë në mungesë të prokurorëve të çështjes, Altin Dumani, Arben Kraja dhe Sotir Kllapi.
Meta kërkon zëvendësimin e masës arrest me burg me një masë më të butë ku avokati argumenton se tashmë nuk ekziston më mundësia që Ilir Meta mund të prishë provat, për shkak se hetimi është mbyllur dhe dosja ka kaluar për gjykim.
Po kështu, në kërkesën e tij për lehtësim të masës së Metës, avokati propozoi që ish-Presidentit t’i bllokohet pasaporta në mënyrë që të mos ketë mundësi të dalë nga Shqipëria.
Ai deklaroi se betejën do ta vazhdojnë në gjykatë me proces të zakonshëm dhe jo të shkurtuar, duke parashikuar një proces të gjatë gjyqësor.
Ish-presidenti u arrestua më 21 tetor 2024 dhe që prej atëherë ndodhet në paraburgim me masën “arrest në burg”.
j.l./ dita
