Një avion luftarak i tipit Su-22 është rrëzuar në provincën Fars në jug të Iranit. Sipas televizionit shtetëror iranian, avioni ushtarak është rrëzuar pranë Liqenit Perishan në rrethin Kazerun. Piloti ka zbritur i sigurt duke përdorur sistemin e katapultimit dhe aksidenti nuk ka shkaktuar humbje jetësh.
Nuk janë dhënë detaje të mëtejshme rreth ngjarjes. Nga ana tjetër, agjencia gjysmëzyrtare e lajmeve Tesnim ndau informacionin se avioni i rrëzuar i përkiste Forcave Ajrore të Gardës Revolucionare.
Su-22, një konfigurim i eksportuar i avionit Su-17 i zhvilluar nga kompania ruse Sukhoi, përdoret në mënyrë aktive nga Irani. Në shtator 2022, një avion luftarak i tipit Su-22 u rrëzua në provincën Hormuzgan në jug të vendit për shkak të një mosfunksionimi teknik.
p.c. / dita
