Ambasada ruse në Afrikën e Jugut postoi një hartë të vendeve që mund të bëhen anëtarë të BRICS në vitin 2024, dhe në këtë hartë, Krimea tregohet si një territor i Ukrainës dhe nuk bëhet i gjelbër si Federata Ruse, shkruajnë mediat e huaja.
Një detaj tjetër në hartën e publikuar nga Ambasada e Federatës Ruse në Afrikën e Jugut, është se paraqet Kosovën si shtet brenda kufinjve të saj, ndonëse Rusia e mohon shtetësinë e saj.
“Realiteti i botës së re multipolare”, thuhet në përshkrimin e hartës së publikuar nga ambasada ruse në Afrikën e Jugut në platformën X.
Më 22-24 gusht, Afrika e Jugut mbajti samitin e BRICS midis Brazilit, Rusisë, Indisë, Kinës dhe Afrikës së Jugut. Liderët e katër vendeve ishin fizikisht të pranishëm në samit. Vladimir Putin, presidenti i Rusisë, nuk erdhi pasi ai mund të arrestohet sipas urdhrit të arrestit të lëshuar nga Gjykata Penale Ndërkombëtare në mars.
j.l./ dita
