Sot është dita e Rovena Domit. Për këdo që ndjek pulsin e Tiranës, ky emër nuk ka nevojë për shumë prezantim. Ajo është ish-missi që me kalimin e viteve e ktheu estetikën në një disiplinë të hekurt.
Përherë e kuruar dhe e sigurt, me atë qetësinë që vjen kur njeriu është në harmoni me arritjet e veta, Rovena nuk feston sot vetëm ditëlindjen.
Ajo feston një rrugëtim.
Rovena ka ditur të mbetet gjithmonë në lartësinë e shijes së hollë. Edhe sot është një frymëzim elegance për çdo lady-business.
Të festosh vitet duke ruajtur freskinë e ideve dhe sharmin e lindur është art më vete. Rovena e zotëron këtë art në perfeksion.
Edhe 100 për një zonjë që di ta bëjë botën rreth saj më të bukur.
