Policia ka arrestuar Daniele Bedinin, 32 vjeç si të dyshuar për vrasjen e 35-vjeçares shqiptare Nevila Pjetri.
Mediat italiane bëjnë me dije se 32-vjeçari është me precedent penalë në fushën e vjedhjes.
Ai është artizan nga Massa dhe jeton në zonën e Aullës.
Prej mëngjesit të djeshëm, ai është hetuar zyrtarisht për vdekjen e Nevila Pjetrit, trupi i pajetë i së cilës u gjet në orët e para të mëngjesit të së dielës buzë përroit Parmignola në Marinella di Sarzana.
Hetuesit e kanë gjurmuar nga kamerat e sigurisë.
Bedini mësohet se po merret në pyetje që prej mesditës së sotme. Hetuesit dyshojnë se 32-vjeçari mund të ketë kryer vrasje për herë të dytë, për të eliminuar personin që e kishte parë 2 ditë më parë teksa shqiptarja futej në makinën e tij.
Teksa trupi i pajetë i Nevilës u gjet rreth orës 02:00 të së dielës, mbrëmjen e së martës u gjet trupi i një transeksuali.
Ai quhej Carlo Bertolotti, 43-vjeç dhe me profesion parukier. Sipas hetuesve, ai u vra në mënyrë të ngjashme me Nevilën. Transeksuali u gjet rreth 3 kilometra larg vendit ku u gjet shqiptarja
Për momentin këto janë vetëm dyshim, shkruan La Reppublica.
Është zbardhur edhe autopsia për vrasjen e shqiptares Nevila Pjetri.
35-vjeçarja shqiptare u vra me dy të shtëna me pistoletë të kalibrit 22 në kokë.
Mjekja ligjore Susanna Gamba konstatoi rezultatin e autopsisë. Gjuajtja e parë është qëlluar në ballë, tjetra pas veshit të majtë.
Ende mbetet për t’u sqaruar nëse vrasja ka ndodhur në vendin ku është gjetur kufoma apo diku tjetër.
j.l./ dita
