Tetë shqiptarë kanë qenë në trenin e mbushur me 350 udhëtarë që u përplas me një tren që transportonte mallra.
Shtetasit me origjinë shqiptare janë jashtë rrezikut për jetë dhe po marrin ndihmën e nevojshme mjekësore në spital.
Policia Rrugore e Larisës, e cila ka ndërmarrë hetimet paraprake për tragjedinë, ka arrestuar komandantin e stacionit të Larisës si fajtorin kryesor për aksidentin në Tempi.
Tragjedia ndodhi pak para mesnate.
Treni po udhëtonte nga Athina në drejtim të Selanikut në momentin që ndodhi aksidenti tragjik.
Deri më tani raportohet se janë shënuar 40 viktima dhe mbi 85 të plagosur.
Grupet e shpëtimit janë duke kërkuar ende dhe pritet që numri i viktimave të rritet.
j.l./ dita
