Rufi Shabani është një mastershef dhe menaxher shqiptar që ka fituar dy çmime të para në kampionatin e picave në Bullgari.
Ai jeton prej 12 vitesh në Rusi dhe menaxhon 11 restorante. Kjo ka bërë që të përballet edhe me situatën e luftës, e cila sipas tij, i ka lodhur njerëzit dhe mundohen të shohin punët e veta.
Ai është mjeshtër i picave si: Pizza Mastro, Teknolog, Pizza masterclass, Control Pizza, Pizza School, Pizza Acrobat.
Shef Rufiu njeh të gjitha llojet e brumrave, teknikat si furra, mielli, uji, etj. Ai thotë se bën dhe akrobaci, me të cilat ka marrë pjesë dhe në manifestime të ndryshme në Moskë.
Përveç këtyre, mastershefi i picave ka një numër të madh të medaljeve dhe diplomave.
“Çmimi i parë ishte për pica romana, ndërsa për çmimin e dytë ishte për pica napoletana. Unë jam nga një fshat nga rrethina e Tetovës dhe i kam mësuar si të gjithë rinia. Ne jemi tre vëllezër dhe merremi me gatim.
Unë për herë të parë jam larguar nga vendlindja kur i hoqën vizat Maqedonisë, kalova një vit në Gjermani, u ktheva sërish në Maqedoni, më tej shkova në Moskë.
Kishte nevojë pronari për të kontrolluar restorantet, pasi po hapte shumë të tillë. Në fillim kanë qenë shumë të vështira, pasi gjuha ruse është shumë e vështirë, por dalëngadalë mësova.
Situta e luftës ka ndikuar shumë, pasi ka ndikuar në të gjithë Europën. Po rusët nuk e diskutojnë shumë se janë mësuar me luftërat. Njerëzit janë lodhur dhe mundohen gjithë secili të shoh punët e veta”, u shpreh Rufi.
j.l./ dita
Ky rast përbën një shembullë të shkëlqyer për parë vazhdimin te traditave turke te trajtimit brumit në gastronominë Shqiptare të Maqedonisë ,kosovës dhe myslimanët e shqiprisë pas 500 vjetësh ,se si mund të bëhesh mastershefi i picave në kohët moderne